A transferohen bakteret nga stetoskopi?

Titulli: A transferohen bakteret nga stetoskopi? Thu Jan 19, 2012 11:38 am

A transferohen bakteret nga stetoskopi?

Stetoskopët mund të jenë burim i pa njohur i kontaminimit bakterial. Infeksionet e fituara në spitale janë përgjegjëse për rreth 100 mijë vdekje çdo vit. Punëtorët e Kujdesit Shëndetësor janë këshilluar që të lajnë duart e tyre tërësisht në mes pacientëve që të zvogëlojnë rrezikun e infeksioneve. Edhe pse kjo përpjekjeje është thelbësore, nuk e ka eliminuar problemin tërësisht.

Një studim i ri sugjeron se, stetoskopët mund të bartin bakterie të rrezikshme, duke përfshirë Clostridium difficile dhe MRSA ( Stafilokokus aureus rezistent në meticilinë). Hulumtuesit pranë Cleveland VA demonstruan se të dy llojet e baktereve transferohen lehtësisht nga dhe në stetoskop. Hulumtuesit konkluduan se, "Gjetjet tona sugjerojnë se stetoskopët mund të jenë vektorë të nënvlerësuar për transmetimin e patogjenëve ."

Ata sugjeruan se mund të jetë e dobishme nëse punëtorët e kujdesit shëndetësor të pastronin stetoskopët e tyre pas ekzaminimit të pacientëve, duke i fërkuar me garza ose vatë me alkool. Ndoshta pacientët, do të duhej të pyesnin mjekët dhe infermieret nëse ata i kanë pastruar duart dhe stetoskopët e tyre para çdo ekzaminimi.

[Infection Control and Hospital Epidemiology, Janar, 2012]

Burimi: http://www.jstor.org/pss/10.1086/663338
Përshtati: Meriton Muriqi

Burimi: http://www.albselefet.com/shendetesia-dhe-shkenca/15722-transferohen-bakteret-nga-stetoskopi.html