Modestia e Muhammedit-alejhissalatu vesselam

Titulli: Modestia e Muhammedit-alejhissalatu vesselam Thu Jan 19, 2012 11:32 am

Modestia e Muhammedit-alejhissalatu vesselam

Parathënia

Falënderimet dhe lavdërimet i takojnë vetëm Allahut të Lartëmadhëruar,kurse Salavatet dhe Selamet më të sinqerta qofshin për të dërguarin e Allahut Muhammedin-alejhisselam-,familjen e tij,shokët si dhe gjithë atyre që pasojnë rrugën e tij deri në Ditën e Gjykimit.

Në vazhdim themi:

Pasi që muslimani e ka për obligim ta marrë për shembulltyrë Muhammedin alejhiselam në të gjitha sferat e jetës së tij,pamë të udhës që lexuesve t'ju afrojmë një temë për modestin e Muhammedit-alejhiselam-bazuar bazuar në Hadithe të vërteta Profetike,duke shpresuar se sado pak do të mbushim zbrazëtirën e edukimit të mirëfilltë shpirtëror.

Lusim Allahun e Lartëmadhëruar që ta bëjë për hirë të fytyrës së Tij,dhe t'më shpërblej më një shpërblim që është shkaktar për shpëtimin tim në botën e pastajme,atë ditë kur nuk vlen as dinari as dirhemi,përveç atij që i paraqitet Allahut me një zemër të pastërt.

Domethënia e Modestisë

Fjala"Modesti"në terminologjin Islame ka për qëllim një musliman i cili është i cilësuar me thjeshtësi në fjalët,punët,veshjen…e tij me qëllim adhurimi dhe përkushtimi ndaj Allahut,duke mos u mburrur në anën tjetër me aftësit dhe zotësit e tij si shenjë mbivlerësimi të tyre dhe nënqmimi e mendjemadhësie ndaj të tjerëve.

Modestia e Muhammedit-paqa dhe bekimi i Allahut qoftë mbi të-

Me që modestia është pjesë e moralit Islam,atëherë morali i Muhammedit-alejhisselam-është më i përkryeri dhe më i larti me dëshmin e Allahut në Kur'an: "Vërtetë ti(Muhammed)je në shkallën më të lartë të moralit"(El-kalem:4).

Thotë gruaja e Muhamedit-alejhisselam-Aishja-kënaqësia e Allahut qoftë mbi të-: "Morali i tij(Muhammedit alejisselam)ishte Kur'ani".

Prej haditheve të vërteta që janë transmetuar për modestin e Muhammedit alejhisselam i veçojmë këto:

1-Modestia e tij në ngrënie dhe pirje
Thotë Muhammedi alejhisselam:Unë ha(dhe pi)ashtu si hanë robi i thjeshtë…".

2-Modestia e tij në ulje
Thotë Muhammedi alejhisselam:"Unë ha ashtu si hanë robi dhe ulem(thjeshtë)si ulet robi".

Thotë gjithashtu:"Unë ha si hanë robi,ulem si ulet robi dhe unë nuk jam tjetër përveçse rob( i Allahut)".

3-Modestia e tij në sjellje
Thotë Muhammedi-alejhisselam-:"Vërtetë mua Allahu më bëri rob fisnik,e jo mendjemadh dhe inatçor".

4-Modestia e tij në shtratin dhe jastëkun që flinte në të
Thotë Aishja-kënaqësia e Allahut qoftë mbi të-:"Ishte jastëku dhe shtrati me të cilën flinte (Muhammedi-alejhisselam)natën në të nga lëkura e mbushur me gjethe palmash".

5-Modestia e tij gjatë të ecurit në turmën e njerëzve
Ibn Abbasi-radijAllahu anhuma-thotë:Ai(Muhammedi alejhisselam)nuk i shtyente njerëzit kur rrokeshin me të(gjatë ecjes në turmën e njerëzve)as nuk i godiste ata".

6-Modestia e tij në lëmoshë-sadaka pa dallim mes njerëzve
Thotë Enes ibn Maliku-radijAllahu anhu:"Nuk kishte njeri që i kërkonte atij(Muhammedit alejhisselam)diç,përveçse i jipte atij, përndryshe(nëse nuk kishte ç'ti jap)heshte(nga turpi)".

7-Modestia e tij më të dobëtit,të varfurit dhe sëmurit
thotë Sehl ibn Hanifi-radijAllahu anhu-:"Ai (Muhammedi-alejhisselam-)shkonte dhe i vizitonte të dobëtit e muslimanve,të sëmurit e tyre dhe ia përcillte xhenazet e tyre".

Kurse Xhabir ibn Abdullahu-radijAllahu anhu thotë:"Gjatë udhëtimeve Muhammedi alejhisselam qëndronte mbrapa me qëllim që t'i ndihmojë të dobëtit,t'i hipte ata në mjetet e tyre të udhëtimit dhe bënte dua për ta".

8-Modestia e tij ndaj ftesave e të varfurëve
Thotë ibn Abbasi-radijAllahu anhuma:"(Muhammedi alejhisselam)ulej dhe hante në tokë,dhe I përgjigjej ftesave të të varfurëve madje edhe në bukë të elbit".

9-Modestia e tij shërbimin e vetvehtës
Thotë bashkëshortja e Muhammedit –alejhisselam-,Aishja-kënaqësia e Allahut qoftë mbi të-:(Muhammedi alejhisselam)vet e qepte rrobën, e mjelte delën dhe i shërbente vet vehtës së tij".

Thotë Ebu Ejjub Ensariu-radijAllahu anhuma:"(Muhammedi-alejhisselam-)si mjet udhëtimi kishte(shpeshherë)Gomarin,vet i rregullonte nallet,vet e harnonte rrobën,dhe vishte rroba nga leshi dhe thoshte:"Kush largohet nga sunneti im nuk është nga ne".

10-Modestia e tij me fëmijët
Thotë Enes ibn Maliku-radijAllahu anhu-:Muhammedi alejhisselam vizitonte Ensarët dhe i përshëndeste fëmijët e tyre(me selam) dhe fërkonte kokat e tyre".

Thotë gjithashtu:Kur kalonte Muhammedi alejhisselam pran fëmijëve i përshëndeste ata me selam.

11-Modestia e tij me të huajtë-jabanxhinjtë
Ebu Mes'udi Bedriu –radijAllahu anhu-tregon se kur një jabanxhi për herë të parë e shihte Pejgamberin-alejhisselam-turpërohej nga ai,e për ta liruar atë i thoshte:"Rehatohu(vëlla)se unë nuk jam mbret,unë nuk jam tjetër përveçse bir i një nëne që hante ushqim të konservuar".

12-Modestia e tij me shokët dhe Melaiket
Thotë Muhammedi alejhisselam-:"Ecni përpara meje dhe ma lëni shpinën për Melaiket".

13-Modestia e tij gjatë përshëndetjes me dorë
Thotë Abdullah ibn Umeri-radijAllahu anhuma-:Kur e përcillte Muhammedi alejhisselam dike për udhëtim nuk ia lëshonte dorën,derisa ai t'ia lëshonte dorën e tij…".

14-Modestia e tij me shërbtorët
Muhammedi alejhisselam iu drejtohej shërbtorit të tij duke i thënë:A ke nevojë për diç?

15-Modestia e tij në pranimin e dhuratës
Thotë Ebu Hurejra-radijAllahu anhu-:"Muhammedi alejhisselam pranonte dhuratën…".

Thotë Aishja-kënaqësia e Allahut qoftë mbi të-:"Muhammedi alejhisselam pranonte dhuratën dhe shpërblente për të".

16-Modestia e tij në mënyrën e ngrënies.
Ka'b ibn Maliku-radijAllahu anhu-thotë:"Muhammedi alejhisselam hante me tri gishtërinjtë(e parë)dhe i lëpinte ato(nëse paraqitej nevoja) para se t'i pastroj".

17-Modestia e tij me robërit
Abdullah ibn Ebu Evfa-radijAllahu anhu- thotë:"Muhammedi alejhisselam nuk kishte mendjemadhësi,ai ecte me të varfurit,robërit dhe ua kryente punët e tyre".

Shkroi: AbdulMelik-Besfort Maxhuni-(qoftë Allahu në përkrhajen e tij çdo herë)-.
Jordani-Zerka.
15/1/2012

Burimi: http://www.albselefet.com/sira-historia-islame-dijetaret/15839-modestia-e-muhammedit-alejhissalatu-vesselam.html