Festimi i Krishtlindjeve dhe Vitit të Ri

Shkruar nga Shejkh Bin Baz
E Marte 27 Dhjetor 2011 07:02

Pyetje: Disa myslimanë marrin pjesë në ceremonitë e të krishterëve. Çfarë mendoni për këtë?

Shejkh Bin Baz: Nuk është e lejuar për burrat dhe gratë myslimanë të marrin pjesë në ceremoni të krishterëve, çifutëve dhe në ceremoni të jobesimtarëve tjerë. Në fakt, është e detyrueshme për të qëndruar larg prej tyre. Kushdo që i ngjason një populli ai është prej tyre. I Dërguari (sal Allahu alejhi ue selem) na ka paralajmëruar që të mos ngjasojmë me ta dhe sjelljet tona të mos jenë sikurse sjelljet e tyre.


Besimtarët dhe besimtaret duhet të qëndrojnë larg nga kjo gjë. Nuk lejohet në asnjë mënyrë t’u ndihmohet atyre në diçka që i shërben ceremonive të tyre. Këto ceremoni janë në kundërshtim me Sheriatin Islam dhe, kështu nuk është e lejuar pjesëmarrja në to, ndihma për të mbajtur ndonjë ceremoni të tillë, apo edhe përgatitja e ndonjë ushqimi e pije për respekt. Allahu i Madhëruar thotë:



“Ndihmohuni mes vete në mirësi dhe përkushtim (ndaj Allahut), e mos u ndihmoni në mëkate e armiqësi. Kini frikë Allahun, se me të vërtetë Allahu është i Ashpër në ndëshkim.”


Dhe pjesëmarrja me të pafetë në ceremonitë e tyre është ndihmë për në mëkat dhe armiqësi.




Kontrolloi: Usame Morina

Burimi: Mexhmu’ Fetaua ue Makalat Mutaneui'ah (6 / 405)



http://perlat-muslimane.com/al